أعلنت غوغل أنها غادي تطلق أول نظارات ذكية مدعومة بالذكاء الاصطناعي ديالها العام الجاي، بشراكة مع سامسونغ، وGentle Monster، وWarby Parker فالتصميم والتكنولوجيا.
حسب الإعلان، غادي يكونو جوج أنواع من النظارات. النوع الأول غادي يكون مخصص لتجربة بلا شاشة، وغادي يجي بمكبرات صوت وكاميرات مدمجة.
وفي نفس الوقت، الشركة خدامة على نوع ثاني فيه شاشة مدمجة داخل العدسة، كتقدر تعرض معلومات مفيدة للمستخدم، ولكن هاد النسخة ما غاديش تكون جاهزة حتى من بعد إطلاق النوع الأول.
غوغل وضحات أن نظارات الذكاء الاصطناعي بلا شاشة غادي تسمح للمستخدم يتفاعل بشكل طبيعي مع Gemini عبر مكبرات الصوت، الميكروفونات والكاميرات، باش يقدر يدير محادثات، يلتقط صور، ويطلب المساعدة بسهولة.
أما نظارات العرض (Display AI glasses)، فغادي تضيف شاشة صغيرة داخل العدسة كتبيّن معلومات بشكل خاص وسري وقت الحاجة، بحال الإرشادات خطوة بخطوة فالملاحة أو ترجمة فورية للنصوص. أول نسخة غادي توصل العام المقبل.
غوغل كتقول أن النظارات غادي تكون خفيفة وأنيقة، ولكن الواقع هو اللي غادي يبيّن واش غادي توفي بهد الوعود. ونفس الشي بالنسبة للإمكانيات، حيث غياب الشاشة فالنسخة الأولى ممكن يخليها أقل جاذبية لبعض المستخدمين.